page
page
page
page
page
page
page
page
page
page
page
page
page
page
page
page
page
page
page
page
page
page
page
page
page
page
page
page


page
L
L
L


page
L
page
page
page
page
page
page
page
page
page
page
page
page
L

MATIE

MARKO

LUKA

JEAN

MISALA

ROMA

1 KORINTO

2 KORINTO

GALATIA

EFEZO

FILIPI

1 TESANOLIKA

2 TESANOLIKA

1 TIMOTE

2 TIMOTE

TITO

FILEMO

KOLOSAI

BA-EBREO

ZAKI

1 PIERE

2 PIERE

1 JEAN

2 JEAN

3 JEAN

YUDE

EMONISELI

BANZEMBO

FILEMO

1 Ngai Polo, moto ya boloko mpo na Yesu Kristo, mpe ndeko na biso Timote, totindi mokanda oyo epai ya molingami mpe moninga na biso ya mosala Filemo,

2 epai ya ndeko na biso ya mwasi Apia, epai ya Arshipe moninga na biso ya etumba, mpe na Lingomba oyo esanganaka na ndako ya Filemon.

3 Tika ete ngolu mpe kimia oyo ewuti na Nzambe Tata na biso mpe na Nkolo Yesu Kristo, ezala na bino.

4 Nazongisaka matondi tango nyonso epai ya Nzambe tango nakanisaka yo na mabondeli na ngai,

5 pamba te nazali koyoka sango ya kondima oyo ozali na yango kati na Nkolo Yesu, mpe bolingo oyo ozali na yango mpo na basantu nyonso.

6 Nabondelaka mpo ete kondima oyo tozali na yango lisanga ebimisa mosala, mpo ete ososola na mingi penza makambo nyonso ya malamu, oyo tozali na yango kati na Kristo.

7 Bolingo na yo ezali kopesa ngai esengo monene mpe molende, pamba te, yo ndeko, okitisaki mitema ya basantu.

8 Yango wana, atako nazali na bonsomi kati na Kristo mpo na kotinda yo kosala likambo oyo osengeli kosala,

9 kasi bolingo ezali kotinda ngai na makasi ete nasenga yo. Ngai Polo, mobange, mpe sik'oyo, moto ya boloko lisusu mpo na Yesu Kristo.

10 Nazali kosenga yo mpo na Onezime, ye oyo azali mwana na ngai kati na Kristo; pamba te, nakomaki tata na ye ya molimo tango nazalaki na boloko.

11 Liboso, azalaki na tina moko te mpo na yo, kasi sik'oyo akomi na tina mingi mpo na yo mpe na ngai.

12 Nazali kotindela yo ye, ye oyo azali motema na ngai penza, mpo azongela yo.

13 Nalingaki atikala awa elongo na ngai, mpo ete akoka kosalisa ngai na esika na yo, lokola nazali na boloko mpo na Sango Malamu.

14 Nalingi kosala eloko moko te soki ondimi yango te, mpo ete bolamu oyo okosala, ezala oyo ewuti na motema na yo moko, kasi ezala ya kotindika te.

15Tango mosusu Onezime akabwanaki na yo mpo na mwa tango, mpo ete ozwa ye mpo na libela,

16 Lokola mowumbu lisusu te, kasi koleka kutu mowumbu, lokola ndeko ya bolingo. Azali na litomba mingi mpo na ngai, kasi azali mpe na litomba mingi koleka mpo na yo, lokola moto mpe lokola ndeko kati na Nkolo.

17 Soki omonaka ngai lokola moto oyo tozali na yo lisanga moko, nasengi yo oyamba ye lokola ngai moko.

18 Soki, asalaki yo mabe to mpe azali na nyongo na yo, tia yango na kombo na ngai.

19 Ngai Polo, nazali kokoma makambo oyo na loboko na ngai moko. Nakofuta yo nyongo yango - mpe nalingi te kokanisela yo ete, yo mpe ozali na nyongo na ngai: nyongo yango nde bomoi na yo moko.

20 Ya solo ndeko na ngai, salela ngai bolamu wana mpo na Nkolo; kitisa motema na ngai kati na Kristo.

21 Nakomeli yo, mpo nazali na elikya ete okosala likambo oyo nasengi yo, mpe nayebi ete okosala yango kutu koleka.

22 Nasengi yo lisusu obongisela ngai esika ya kolala, pamba te nazali na elikya ete Nzambe akopesa eyano na mabondeli na bino, mpe akozongisa ngai epai na bino.

23 Epafras, moninga na ngai ya boloko mpo na Yesu Kristo, atindeli yo mbote.

24 Ndenge moko mpe baninga na ngai ya mosala: Marko, Aristake, Demas, mpe Luka, bango mpe batindeli yo mbote.

25 Tika ete ngolu ya Nkolo na biso Yesu Kristo ezala na molimo na yo.

  


Mapamboli.com 2017 . Copyright.  Un site en Lingala, pour la diffusion et partage de la Bible.

Mapamboli.com est un site associatif, sans but lucratif, difusé par des bénévols chrétiens et publié par Jupé BONGOLO.  Siège : 1 rue Fleutet 74100 Annemasse (France).

 

Mpe nyonso oyo bosalaka to bolobaka, bosala yango na kombo ya Nkolo Yesu, mpe bozongisaka matondi epai ya Nzambe Tata na nzela na Yesu Kristo. Mateya Mpo Na Libota


Kolosai 3: 17.