page
L
page
page
page
page
page
page
page
page
page
page
page
page
L


page
L
L
L



Kufa to bomoyi ekobima se na monoko na biso. Tokeba mingi na manso tokobimisa na monoko na biso. 

Nabandaki komela makaya tango na zalaki na mbula libwa.Nasalaki bongo ba mbula ebele. Nazalaki na loyenge, kasi mokolo nakanaki kotika komela makaya ezalaki pasi mingi.

Na lingi kolobela bino lelo, soki bobaloli ndenge na bino ya koloba, makanisi na bino pe ekobogwama. Ngai na bundaki na makanisi na ngaî pe na mitungisaki mingi po na kotika makaya kasi pamba.

Nakati ya motema , maloba oyo nazalaki koloba po na ngai moko, nazalaki koyina bomoyi na ngaîi,mokili pe ezalaki na tina te na miso na ngaî.

Tango ekokaki, namonaki ete maloba pe makanisi na ngaî nde ezalaki kokweyisa ngaî. Nazalaki koloba nakokoka te totika makaya, nakovimba pe nakoya monene po na makaya.

Nzambe akumbama, likanisi ya peto eyaki kati na ngaî. Nzambe atalisaki ngai ete soki na bongoli makanisi na ngai te nakokoka eloko te. Moke moke na komaki kobelela maloba kitolo po na bomoyi na ngai. Nakomaki koyina makaya, nazali koyina pe solo ya likaya. Nakomaki kokanisa mbongo oyo nazaki kobebisa pamba po na yango.

Nasima ya poso moko, namilobekaki ete nazali na ngolu ya Nzambe po na kotika makaya libela

Yesu akosala na bomoyi na bino kaka soki makanisi na bino ezali na nzela moko na makanisi na ye. Esengeli toyeba kobelela pe liloba ya Nzambe, na ndenge wana makanisi, pasi pe mitungisi ekozua elonga te na maloba na biso. Maloba pe ya batu mosusu ekozua esika te na bomoyi na biso.

  

Soki bobongoli maloba na bino, makanisi na bino pe ekobongwama



Na tango ya pasi, na mikakatano, maloba nini ebimaka na monoko na bino?

Tango bozali kokelela, likani nini eyaka na motema na bino?

Soki bobaloli makanisi pe maloba na bino, motema na bino pe ekobogwama. Motema ya moto nioso ekoki kobongwama, tokoki kokola banso na bolingo ya Nzambe. Tosengeli bobele kozala na makanisi ndenge moko na ye.


Kasi mpo na lolemo, moto moko te akoki kolakisa yango mpo etosa ye. Yango ezali eloko moko ya mabe, elembaka te, mpe etonda na pwazo.

Na lolemo, topambolaka Nkolo na biso mpe Tata, mpe na yango, tolakelaka mabe na bato oyo basalama na lolenge ya Nzambe.

Lipamboli mpe elakeli mabe ewutaka kaka na monoko moko. Bandeko na ngai, ekoki kozala bongo te.

Zaki 3: 8-10.


Bokota na baporte na ye na kozongisa matondi; mpe na lopango na ye na masanzoli. Bopesa ye matondi mpe bosanzola kombo na ye.

Banzembo 100: 4.


Boyeba kopambola baninga mikolo nioso


Joyce Meyer

Bandeko, mpo na kosukisa, makambo nyonso oyo ezali ya solo, makambo nyonso oyo ezali ya kitoko, makambo nyonso oyo ezali ya sembo, makambo nyonso oyo ezali ya peto, makambo nyonso oyo bato balingaka, makambo nyonso oyo bato bakumisaka, soki likambo moko ezali malamu to oyo bato bakoki kokumisa, tika ete bokanisaka mpo na makambo yango.

FILIPI 4: 8

  


Mapamboli.com 2017 . Copyright.  Un site en Lingala, pour la diffusion et partage de la Bible.

Mapamboli.com est un site associatif, sans but lucratif, difusé par des bénévols chrétiens et publié par Jupé BONGOLO.  Siège : 1 rue Fleutet 74100 Annemasse (France).

 

NANI MOKONZI NA NGAI ?

                       

                           NANI MONINGA NA NGAI ?

NANI NZELA YA LOBIKO ?

                       

                           NANI MOSUNGI NA NGAI ?

NA PASI NAKOBELELA NANI ?

                       

                           NA BISENGO NAKOKUMISA NANI ?